२० चैत, काठमाडौं / सुनको भाउ आज उच्च मूल्यबाट ६ सय रुपैयाँले घटेको छ । सुनको भाउ ६ सय रुपैयाँ घटेर ताेलाकाे एक लाख ७९ हजार एक सय रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ ।

हिजो सुनको भाउ अहिलेसम्मकै उच्च तोलाको एक लाख ७९ हजार सात सय रुपैयाँ पुगेर कीर्तिमान बनाएको थियो ।

त्यस्तै आज चाँदीको भाउ पनि घटेको छ । चाँदीको भाउ १५ रुपैयाँले घटेर तोलाको दुई हजार २० रुपैयाँ कायम भएको महासङ्घले जनाएको छ । हिजो चाँदीको भाउ तोलामा दुई हजार ३५ रुपैयाँमा कायम भएको थियो ।

बुधबार १९ चैत, २०८१ ०५:३०:०० मा प्रकाशित