२० चैत, हेटौँडा / हेटौँडा–१६, हटियाका ३८ वर्षीय मिलन दंगाल बागमती गाउँपालिका–८, देउतीभञ्ज्याङमा मृत भेटिएका छन् । हेटौँडा–सिन्धुली मार्गअन्तर्गत बागमतीको देउती भञ्ज्याङमा सडकछेउ नालीमा बुधबार बिहान दंगाल मृत भेटिएका हुन् ।
मृतकको शरीरमा चोट रहेको र शव भेटिएको नजिकै रगत लतपतिएको भेटिएको स्थानीयले बताएका छन् । प्रहरीले अहिले घटनास्थलको मुचुल्का उठाउने कार्य गरिरहेको छ । शव अझै घटनास्थलमै रहेको छ । प्रहरीले मृतक दंगालसँगै रहेका २ जनालाई सोधपुछका लागि नियन्त्रणमा लिएको मकवानपुरका प्रहरी प्रवक्ता प्रहरी नायव उपरीक्षक श्यामु अर्यालले जानकारी दिनुभयो । मंगलबार राती नजिकैको होटलमा झगडा भएको स्थानीयको भनाइ छ । प्रहरीले घटनाको विषयमा अनुसन्धान सुरु गरेको प्रवक्ता अर्यालले जानकारी दिनुभएको छ ।
प्रतिकृया दिनुहोस