प्रश्न : नेपाल फेस्टिवल २०२५ को उद्देश्य के हो, र यसले प्रवासी नेपाली समुदायलाई कसरी लाभ पुर्याउँछ?
- नेपाल फेस्टिवल २०२५ को मुख्य उद्देश्य नेपाली कला, संस्कृति, खेलकुद, पर्यटन, व्यापार, र नेपाली पहिचानलाई प्रवर्द्धन गर्नु हो। यस फेस्टिवलले प्रवासी नेपालीहरूलाई आफ्नो मौलिक पहिचानसँग जोड्ने मात्र होइन, नेपाली व्यवसायलाई अन्तर्राष्ट्रिय स्तरमा प्रवर्द्धन गर्ने अवसर पनि प्रदान गर्नेछ। साथै, नेपाल र यूएईबीचको सांस्कृतिक तथा आर्थिक सम्बन्धलाई अझ मजबुत बनाउने हाम्रो लक्ष्य हो ।
प्रश्न : नेपाल फेस्टिवल २०२५ मा सहभागी हुने प्रमुख कार्यक्रमहरू के के छन् ?
- नेपाल फेस्टिवल २०२५ मा विविध कार्यक्रमहरू हुनेछन्, जसले नेपाललाई बहुआयामिक रूपमा प्रवर्द्धन गर्नेछन्। प्रमुख कार्यक्रमहरू : सांस्कृतिक प्रस्तुति – नेपालका विभिन्न जातीय तथा भौगोलिक समुदायको मौलिक संस्कृति झल्काउने विशेष प्रस्तुति।
नेपाल तथा यूएईका चर्चित व्यक्तित्वहरूसँग प्रत्यक्ष संवाद। सांगीतिक कार्यक्रम – नेपाल तथा यूएईका चर्चित कलाकारहरूद्वारा विशेष प्रस्तुति।
खेलकुद प्रतियोगिता – भलिबल, फुटबल, रस्साकस्सी, छेलो हान्ने जस्ता नेपाली परम्परागत खेलहरू।
पर्यटन प्रवर्द्धन प्रदर्शनी – नेपालका प्रमुख पर्यटकीय गन्तव्यहरूलाई प्रवर्द्धन गर्ने विशेष स्टलहरू।
व्यापारिक प्रदर्शनी स्टलहरू – परम्परागत हस्तकला, अर्गानिक उत्पादन, स्थानीय व्यवसाय प्रवर्द्धन सामग्री तथा नेपाली खानाका स्टलहरू ।
बालबालिकाका लागि विशेष कार्यक्रम – नेपाली संस्कृति बुझाउने र मनोरञ्जनात्मक कार्यक्रमहरू।
प्रश्न : तपाईंको दृष्टिकोणमा, नेपाल फेस्टिवल २०२५ ले नेपाल–यूएई सम्बन्धलाई कसरी मजबुत बनाउनेछ ?
- नेपाल फेस्टिवल २०२५ ले नेपाली कला, संस्कृति, व्यापार, र पर्यटनलाई अन्तर्राष्ट्रिय स्तरमा प्रवर्द्धन गर्ने महत्त्वपूर्ण अवसर प्रदान गर्नेछ। यसले नेपाल र यूएईबीचको सांस्कृतिक तथा आर्थिक सम्बन्धलाई अझ गहिरो बनाउनेछ। साथै, यूएईका स्थानीय नागरिक तथा अन्तर्राष्ट्रिय समुदायलाई नेपालको सम्पदा र पहिचानबारे जानकारी गराउने प्लेटफर्म पनि बन्नेछ।
प्रश्न : मध्यपूर्वमा पहिलो पटक आयोजना हुन लागेको नेपाल फेस्टिवल २०२५ को मुख्य उद्देश्य के हो ?
- नेपाल फेस्टिवल २०२५ मध्यपूर्वमा पहिलो पटक आयोजना हुँदैछ, जसको प्रमुख उद्देश्य नेपाली कला, संस्कृति, खेलकुद, व्यापार, पर्यटन, र नेपाली पहिचानलाई अन्तर्राष्ट्रिय स्तरमा प्रवर्द्धन गर्नु हो। प्रवासी नेपालीहरूलाई आफ्नो मौलिक पहिचानसँग जोड्नुका साथै नेपाली उत्पादन र संस्कृति विश्वसामु चिनाउने सुनौलो अवसर फेस्टिवलले प्रदान गर्नेछ। यस फेस्टिवलले नेपाल–यूएई सम्बन्धलाई अझ मजबुत बनाउँदै, नेपाली समुदायलाई एकजुट गर्ने र नेपाली व्यवसायलाई अन्तर्राष्ट्रिय स्तरमा प्रवर्द्धन गर्ने महत्त्वपूर्ण भूमिका खेल्नेछ ।
प्रश्न : मध्यपूर्वमा पहिलो पटक यस्तो फेस्टिवल आयोजना गर्दा आउने चुनौतीहरू के थिए, र यसलाई सफल बनाउन तपाईंको योजना के छ ?
- मध्यपूर्वमा पहिलो पटक नेपाल फेस्टिवल आयोजना गर्न धेरै चुनौतीहरू रहे, जस्तै : स्थान र पूर्वाधार व्यवस्थापनस् यूएईमा नेपाली समुदाय ठूलो संख्यामा भए पनि ठूलो सांस्कृतिक कार्यक्रम आयोजना गर्न उचित स्थान छनोट गर्नु चुनौतीपूर्ण थियो। आयोजनाका लागि कानुनी प्रक्रियास् स्थानीय कानुनी तथा प्रशासनिक प्रक्रियाहरू पूरा गर्न कूटनीतिक पहल आवश्यक भयो। सहभागिता सुनिश्चितता : प्रवासी नेपाली समुदाय व्यस्त जीवनशैलीमा रहेकाले उनीहरूको सक्रिय सहभागिता सुनिश्चित गर्न अभियान चलाइरहेका छौं। हाम्रो टोलीले यूएई सरकार, नेपाली दूतावास, स्थानीय प्रशासन, र विभिन्न संस्थाहरूसँग समन्वय गरी यी चुनौतीहरू समाधान गर्दै नेपाल फेस्टिवललाई भव्य रूपमा सफल बनाउन योजना बनाएको छ।
प्रश्न : नेपाल फेस्टिवल २०२५ ले नेपाली कलाकार तथा सांस्कृतिक समूहहरूलाई अन्तर्राष्ट्रिय स्तरमा चिनाउन कसरी मद्दत गर्नेछ ?
- नेपाल फेस्टिवल २०२५ नेपाली कलाकार तथा सांस्कृतिक समूहहरूलाई अन्तर्राष्ट्रिय स्तरमा प्रस्तुत गर्ने एउटा विशेष अवसर हो। यस फेस्टिवलमा नेपालका चर्चित कलाकारहरूको प्रत्यक्ष प्रस्तुति रहनेछ, जसले नेपाली कला-संस्कृतिलाई अन्तर्राष्ट्रिय दर्शकमाझ पुर्याउनेछ । नेपाली कलाकारहरूसँग अन्तरसंवाद कार्यक्रम आयोजना गरिनेछ, जसमा उनीहरूले आफ्नो कला, संगीत, र सांस्कृतिक योगदानबारे दर्शकमाझ खुलस्त रुपमा चर्चा गर्नेछन्। नेपाली हस्तकला, चित्रकला, र फोटोग्राफी प्रदर्शनी गरिँदैछ, जसले नेपाली कलाकारहरूलाई आफ्नो सिर्जना अन्तर्राष्ट्रिय दर्शकमाझ प्रस्तुत गर्ने अवसर प्रदान गर्नेछ। हामीले सांस्कृतिक संरक्षण र प्रवर्द्धनको लक्ष्य लिएर नेपाल फेस्टिवल २०२५ लाई एक ऐतिहासिक उत्सवको रूपमा अघि बढाएका छौं।
प्रश्न : तपाईंको कार्यकालमा पासपोर्ट नविकरण शिविरको आयोजना कसरी सम्भव भयो, र यसबाट प्रवासी नेपालीहरूले के फाइदा पाए ?
- यूएईमा हजारौं नेपाली श्रमिकहरू काम गरिरहेका छन्, तर पासपोर्ट नवीकरण प्रक्रियामा झन्झटका कारण धेरैलाई कठिनाइ हुने गरेको थियो। हामीले नेपाली दूतावाससँग समन्वय गरेर विभिन्न स्थानमा पासपोर्ट नविकरण शिविर आयोजना गर्यौं। यस शिविरबाट प्रवासी नेपालीहरूलाई निम्न फाइदा भयोस् स्थानीय स्तरमै पासपोर्ट नविकरण सुविधा – कामबाट बिदा लिन नसक्ने श्रमिकहरूलाई सहज बनाउने उद्देश्य। दूतावाससम्म जानुपर्ने झन्झट हटाइयो – श्रमिकहरूका लागि समय र खर्च दुवैको बचत। दस्तावेज सम्बन्धी कानुनी सहायता – पासपोर्टसँगै अन्य आवश्यक कागजातहरू नविकरण गर्न कानुनी परामर्श प्रदान गरियो।
प्रश्न : तपाईंको नेतृत्वमा अलपत्र परेका नेपालीहरूको उद्धारका लागि के पहलहरू गरियो ?
- हाम्रो संगठनले यूएईमा विभिन्न कारणले समस्यामा परेका नेपालीहरूलाई उद्धार गर्न विशेष पहल गरेको छ। कोभिड–१९ महामारीको बेला उद्धार अभियान – लकडाउनका कारण रोजगारी गुमाएका, खान नपाएका तथा कोठा भाडा तिर्न नसक्ने नेपालीहरूलाई राहत वितरण। अवैध रूपमा अलपत्र परेका श्रमिकहरूको उद्धार – दूतावाससँग समन्वय गरी घर फर्कने व्यवस्था मिलाउने। विपत्तिमा परेका श्रमिकहरूको सहयोग – जेल परेका वा अस्पतालमा रहेका नेपालीहरूलाई कानुनी तथा आर्थिक सहयोग। हामीले सयौं नेपाली दाजुभाइ तथा दिदीबहिनीहरूलाई स्वदेश फर्काउन सफल भएका छौं।
प्रश्न : तपाईंको नेतृत्वमा नेपाल एसोसिएसन–एनआरएनए एनसीसी, यूएईले प्रवासी नेपालीहरूको हितमा गरेका मुख्य कामहरू के के हुन्?
- हामीले प्रवासी नेपालीहरूका लागि विभिन्न महत्वपूर्ण कार्यहरू गरेका छौँ, जसमा प्रमुख रूपले निम्न पहलहरू पर्दछन् : नेपाली श्रमिकहरूका लागि सहुलियत सेवा अभियान – कानुनी सहयोग, श्रम अधिकार संरक्षण तथा आपत्कालीन उद्धार।
श्रमिक कल्याण कार्यक्रम – स्वास्थ्य, सुरक्षा तथा अधिकार प्रवर्द्धनका लागि सचेतना अभियान। '
कोभिड–१९ महामारीको समयमा आपत्कालीन सहायता – खाद्यान्न, स्वास्थ्य सामग्री तथा वित्तीय सहयोग। नेपाल–यूएई व्यापार तथा लगानी प्रवर्द्धन – दुबै देशका व्यवसायीहरूबीच समन्वय गर्दै नेपाली उत्पादन तथा उद्योग प्रवर्द्धन। '
प्रवासी नेपालीहरूका लागि शैक्षिक तथा सिपमूलक तालिमहरू – दक्षता अभिवृद्धि र रोजगार सिर्जनाका कार्यक्रमहरू।
प्रश्न : अन्त्यमा, नेपाल फेस्टिवल २०२५ लाई सफल बनाउन तपाईं प्रवासी नेपाली समुदायलाई के सन्देश दिन चाहनुहुन्छ ?
- नेपाल फेस्टिवल २०२५ प्रवासी नेपालीहरूको आफ्नै उत्सव हो। यसलाई भव्य रूपमा सफल पार्न हामी सबैको सहभागिता आवश्यक छ। म सम्पूर्ण नेपाली समुदायलाई फेस्टिवलमा उपस्थित भई हाम्रो पहिचानलाई प्रवर्द्धन गर्न आह्वान गर्न चाहन्छु । यो अवसर हो – हाम्रो संस्कृति, खेलकुद, व्यापार, र पर्यटनलाई विश्वमञ्चमा चिनाउने ।
सबैलाई हार्दिक निमन्त्रणा !
नेपाल फेस्टिवल २०२५ – हाम्रो कला, संस्कृति, व्यापार र पहिचानको उत्सव !
प्रतिकृया दिनुहोस