१ चैत, काठमाडौं / राष्ट्रपति रामचन्द्र पौडेलले साहित्यकार लीलबहादुर क्षेत्रीको निधन भएको खबरले आफू अत्यन्तै दुखी भएको बताउँदै उनीप्रति श्रद्धाञ्जली अर्पण गरेका छन्।
दिवङ्गत श्रष्टाप्रति सामाजिक सञ्जाल एक्सबाट श्रद्धाञ्जली अर्पण गर्दै राष्ट्रपति पौडेलले शोकसन्तप्त उनका परिवारजनमा गहिरो समवेदना व्यक्त गरेका छन्।
'भारतमा जन्मेर पनि नेपाली साहित्यमा महत्वपूर्ण योगदान गर्नुहुने लिलबहादुर क्षेत्रीको निधनको खबरले म अत्यन्तै दुःखित छु। बसाइँ उपन्यासका सर्जक नेपालको मदन पुरस्कारबाट सम्मानित क्षेत्रीप्रति श्रद्धान्जली र शोकाकुल परिवाजनमा गहिरो समावेदना व्यक्त गर्दछु,' राष्ट्रपतिले लेखेका छन्।
साहित्यकार क्षेत्रीको ९३ वर्षको उमेरमा गए राति आसामको राजधानी गुवाहाटीमा निधन भएको हो।
प्रतिकृया दिनुहोस