२० फागुन / २० किलो चाँदीसहित पाँच जनालाई काठमाडौं उपत्यका अपराध अनुसन्धान कार्यालयको टोलीले पक्राउ गरेको छ ।
काठमाडौंको नरेफाट उनीहरुलाई पक्राउ गरिएको अपराध अनुसन्धान कार्यालयका एसएसपी रमेश बस्नेतले बताए ।
पक्राउ पर्नेहरुमा चार पुरुष र एक महिला छन् । पक्राउ परेकाहरु सबै नेपाली नागरिक हुन् ।
उनीहरुले भारतबाट भन्सार छलेर चाँदी ल्याउने गरेको प्रहरीको भनाइ छ ।
मोटरसाइकलमा फल्स बटम बनाएर उनीहरु चाँदी तस्करी गर्ने गरेको प्रहरीको भनाइ छ ।
यसबारे विस्तृत विवरण भने प्रहरीले सार्वजनिक गरेको छैन । थप अनुसन्धानको काम बाँकी नै रहेको प्रहरीको भनाइ छ ।
प्रतिकृया दिनुहोस